फेरी नेपाली संसदमा सम्बोधन गर्ने मोदीको चाहना !

काठमाडौँ । भारतीय प्रधानमन्त्री नरेन्द्र मोदीले नेपाल भ्रमण गर्दा संसदलाई सम्बोधन गर्ने सम्भावना देखिएको छ । भ्रमणको बेला नेपालमा सङ्घीय संसद पनि चलिरहेको हुने भएकाले मोदीले सम्बोधनको चाहना राखेको उच्च स्रोतले जानकारी दिएको छ ।

‘भारतीय चाहना मोदीको सम्बोधनको व्यवस्था होस् भन्ने छ ।’ परराष्ट्रका एक अधिकारीले रातोपाटीसँग भने ।

यदि यसपालि मोदीले नेपालको संसदलाई सम्बोधन गरे भने यो उनको नेपाली संसदमा गरेको दोस्रो सम्बोधन हुनेछ ।

तर भारतीय प्रधानमन्त्री मोदीले संसदमा सम्बोधन गर्ने वा नगर्ने भन्नेमा चाहिँ मन्त्रीहरूबीच विवाद देखिएको छ । प्रधानमन्त्री केपी ओलीसहित केही मन्त्री सम्बोधनको पक्षमा छन् । तर केही मन्त्रीहरूले चाहिँ ‘नाकाबन्दी’का कारण भारतीय प्रधानमन्त्री नरेन्द्र मोदीको छवि नेपालीमाझ राम्रो नरहेकाले उनले संसदमा सम्बोधन नगर्दा ठीक हुने धारणा राखेका छन् ।

यस्तो धारणा राख्ने एक मन्त्रीले भने, ‘तर, भारतीय प्रधानमन्त्रीको सम्बोधनबारे एकरूपता छैन ।’

भारतीय प्रधानमन्त्री मोदीको भ्रमणको औपचारिक मिति घोषणा हुन बाँकी छ । तर वैशाख २८ गते उनको नेपाल भ्रमण हुने गरी दुवै पक्षबाट तयारी भएको छ ।

पछिल्लो पटक संसदको बजेट अधिवेशन पनि वैशाख तेस्रो साता बोलाउने तयारी भएको छ । जबकि त्यस अगाडि सभामुख कृष्णबहादुर महराले वैशाख अन्तिम साता बजेट अधिवेशन बोलाइने बताएका थिए ।

संसद सचिवालयलेक वैशाख २३ गतेदेखि बजेट अधिवेशन बोलाउन सरकारलाई सुझाव दिएको छ । संविधानअनुसार जेठ १५ मा बजेट पेश गर्नुपर्ने हुन्छ । त्यसको १५ दिन अगाडि सरकारको नीति तथा कार्यक्रम संसदमा पेश गर्ने चलन छ ।

मन्त्रिपरिषदले मिति तोकेर राष्ट्रपतिसमक्ष सिफारिस गरेपछि राष्ट्रपतिले बैठक आह्वान गर्ने चलन छ ।

संसद सचिवालयका प्रवक्ता भरतराज गौतमले अधिवेशन आह्वान भएपछि बैठक बस्ने गरी सचिवालयले तयारी गरेको बताए ।

यसअघि मोदीले २०७१ साउन १९ गते नेपाली संसदलाई सम्बोधन गरेका थिए । मोदीको उक्त भाषण चर्चामा थियो । उनले केही शब्द नेपाली भाषामै बोलेका थिए ।

मोदी आफैले पनि संसदलाई सम्बोधन गरेको क्षणलाई निकै सुखद भनेका थिए ।

संसदमा सम्बोधनपछि मोदीले लगातर ट्विट गरेका थिए । उनले नेपालको संविधानसभालाई सम्बोधन गर्न पाउँदा निकै सम्मानित र हर्षित महसुस गरेको उल्लेख गर्दै लेखेका थिए, ‘मैले प्राप्त गरेको यो सम्मान साँच्चै नै गहन र सुखद थियो ।’

भारतीय प्रधानमन्त्री मोदीले नेपालको संविधानसभालाई निकै नै महत्वपूर्ण निकायका व्याख्या गर्दै लेखेका थिए, ‘संविधानसभा कुनै सामान्य किताब तयार पार्ने सामान्य अङ्ग होइन । लोकतन्त्रको शक्तिमा विश्वास गर्ने सबैका आँखा त्यसमाथि हुन्छन् ।’

तर संविधानसभाले बनाएको संविधानलाई स्वागत गर्नुको सट्टा नाकाबन्दी लगाएपछि नेपालमो मोदीको आलोचना भएको थियो । त्यसैले २०७१ मा जस्तो मोदीले यसपालि आलोचनामुक्त हुने ठाउँ कम देखिएको छ ।

‘नेपालको विकासका लागि नयाँ फर्मुला– हिट अर्थात हाइवेज, इन्फर्मेसन वेज र ट्रान्सवेज । भारत नेपालका यी सबै क्षेत्रमा सहयोग गर्न तयार छ ।’ मोदीले ट्विट गरेका थिए ।

नेपालको संसदमा सम्बोधन गर्दै मोदीले जलविद्युत, पर्यटन र जडीबुटीमा नेपालको सम्भावना धेरै रहेको भन्दै यसलाई सही सदुपयोग गर्न सके नेपालको विकास यात्राको गति बढ्ने र नेपाली युवालाई पनि लाभ हुने बताएका थिए ।

गत चैत २३ देखि २५ गतेसम्म प्रधानमन्त्री ओलीले भारत भ्रमण गरेका छन् ।

Facebook Comments

लोकप्रिय

माघ देखि नागरिता काम नलाग्ने पुरा पढ्नुहोस

९ मंसिर, काठमाडौं । हरेक नेपालीको जैविक तथा वैयक्तिक विवरणलाई सुरक्षित रूपमा भण्डारण गर्ने उद्देश्यसहित…

अब कतारमा नेपाली कामदार मालामाल हुने, कृपया सक्दो शेयर गर्नुहोस् ताकी सबै नेपालीले देखुन

‘आवासीय कार्ड बनाउने प्रक्रियाको शुल्क कामदारले तिर्नुपर्दैन’नेपालमा तीन ठाउँमा सहजीकरण कार्यालय स्थापना गर्न अनुरोध गरेका…

विमानस्थलमा बिदेसबाट फर्केका नेपालिको लगेज चोर्ने तथा तस्करीको सुन बटुल्दै गरेका एकजना कर्मचारी पक्राउ ! परेपछि हङ्गामा !

काठमाडौँ– त्रिभुवन अन्तर्राष्ट्रिय विमानस्थलको पार्किङ एरियामा कतारबाट आएका यात्रुसँग सुन संकलन गर्न लागेका एक व्यक्ति…

देउवालाई अकस्मात भारतबाट फोन: आयो यस्तो आदेश-मान्लान त देउवाले ?

काठमाडौं – वाम गठबन्धन टुटाउने प्रयास सार्थक नहुञ्जेल निर्वाचन नतिजा प्रकाशन नगर्न भारतीय रातदूत मञ्जिभसिंह…
%d bloggers like this: